Crosses 
Liber Psalmorum
Liber II Psalmus LIV, Nova Vulgata1
(Latin version of Psalms chapter 54)
| Bible (NET) | |
| Bible (KJV) | |
| Bible (NET & KJV) | |
 | Bible (Vulgate) |
| Bible (Vulgate & KJV) | |
| About |
LIV
1 Magistro chori. Fidibus. Maskil. David,
2 postquam Ziphaei ad Saul venerunt dicentes: "Ecce David apud nos abditus latet".
3 Deus, in nomine tuo salvum me fac et in virtute tua iudica me.
4 Deus, exaudi orationem meam, auribus percipe verba oris mei!
5 Quoniam superbi insurrexerunt adversum me, et fortes quaesierunt animam meam et non proposuerunt Deum ante conspectum suum.
6 Ecce enim Deus adiuvat me, et Dominus susceptor est animae meae.
7 Converte mala super inimicos meos et in veritate tua disperde illos.
8 Voluntarie sacrificabo tibi, confitebor nomini tuo, Domine, quoniam bonum est;
9 quoniam ex omni tribulatione eripuit me, et super inimicos meos despexit oculus meus.
| 1: | Source: Bibliorum Sacrorum Editio, Sacrosanti Oecumenici Concilii Vaticani II, Ratione Habita, Iussu Pauli PP. VI Recognita, Auctoritate Ioannis Pauli PP. II Promulgata, Editio Typica Altera |
